Terme di Diocleziano | Ricostruzione Virtuale CAPWARE from Capware on Vimeo.
domingo, 11 de octubre de 2015
martes, 8 de septiembre de 2015
Benvid@s ao curso 2015-2016
Benvid@s un curso máis ás materias de Latín e Grego e benvid@s por primeira vez en moitos anos á materia de Cultura Clásica!!!
Preparad@s para unha viaxe no espazo e no tempo?
E para ir quentando motores, déixovos este vídeo no que se mesturan distintos personaxes da mitoloxía nunha historia cálida e tenra.
Desfrutádea!
Preparad@s para unha viaxe no espazo e no tempo?
E para ir quentando motores, déixovos este vídeo no que se mesturan distintos personaxes da mitoloxía nunha historia cálida e tenra.
Desfrutádea!
martes, 9 de junio de 2015
Rumbo a Ítaca
Na clase de grego de 1º de BACH limos a Odisea de Homero na versión de Rosemary
Suttcliff, ilustrada polo gran debuxante Alan Lee e editada por Vicens Vives.
Como tod@s sabedes, é o relato do regreso de Odiseo desde
Troia, a cidade que asolaran os gregos tras un asedio que durou dez anos, ata
Ítaca, a súa illa natal onde o esperaban a súa esposa, Penélope, o seu fillo,
Telémaco, e o trono real.
Cubrir esa distancia, aparentemente curta se consultades
un mapa actual, levoulle ao noso heroe outros dez anos, de xeito que a ausencia
da súa casa acadou dúas décadas enteiras.
Ao longo desta dilatada travesía, Odiseo viviu unha morea
de aventuras das que vos damos noticia no mapa interactivo de abaixo.
Cada icona contén un breve texto que informa sobre a
peripecia en cuestión e sobre algunha proposta de localización no mapa do
Mediterráneo (permitíndonos a licenza de supoñer que a xeografía imaxinaria
poda coincidir coa xeografía real).
Un dos puntos marcados cun corazón é Ítaca; o outro, xa
veredes cal é.
O punto marcado coa icona de círculos concéntricos non se
corresponde con ningún lugar presente na Odisea, é un “extra” que incluímos.
Por último, hai outro
punto do mapa que nunca visitou Odiseo e que nós destacamos coa icona do círculo
verde: Alexandría, a vila natal do poeta Cavafis autor do famoso poema Ítaca. Nós traducímolo
na clase e deixámosvos aí a nosa versión.
Queremos dedicarlle este traballo ao profesor Xurxo Mariño, un Odiseo do noso tempo, que tivo a xenerosidade de incluír o IES "Marco do Camballón" no seu periplo deste curso para compartir con nós as súas experiencias e coñecementos.
(Miriam Lareu, Carla Castro, Alba López e Tamara Soto)
(Miriam Lareu, Carla Castro, Alba López e Tamara Soto)
viernes, 5 de junio de 2015
A nosa tradución do poema de Cavafis, Ítaca
Constantino
Cavafis, Ítaca
Tradución feita na clase de Grego de 1º de BACH por Miriam, Carla, Tamara e Alba.
|
lunes, 1 de junio de 2015
Quen a boa árbore se arrima...
Aquí están, á sombra benefactora da árbore sagrada de Atenea, as autoras do traballo Rumbo a Ítaca. preparadas para enfrontar con éxito as Escilas e Caribdis do último tramo do curso. Ánimo que xa falta pouco!!!
sábado, 30 de mayo de 2015
lunes, 26 de enero de 2015
Comeza hoxe luns 26 de xaneiro a X edición do Concurso Odisea no que participan 4 equipos do Camballón:
OLLO DE SAURON
CALIPSO
BASILISCO
ILUSSIA
Moita sorte aos 4!!!
Da Organización do concurso envíannos o seguinte escrito:
Χαίρετε, ναῦται. VALETE, NAUTAE!
Hoxe comeza a vosa singradura. Sen que teñades que descender ao Hades para consultar a Tiresias podémosvos adiantar algúns consellos.
Durante tres días o apacible Euro guiaravos por augas en calma. Gozade, sen abafos de tempo, coas preguntas que se vos propoñan e asegurade as respostas, pero, coidado! FESTINATE LENTE, σπεύδετε βράδεως!
O xoves verédesvos azoutados por Bóreas implacable e teredes que afrontar terribles momentos de desfalecemento ante as esquivas pistas do "preguntón" que, semellantes a Escila e Caribdis, axitarán o vinoso ponto para que se decanten os mellores. Sede prudentes como o paciente Odiseo, CAVETE, προσέχετε σαυτοῖς!
Os organizadores e organizadoras deste concurso desexámosvos moito éxito:
ἀγαθῇ τύχῃ, FORTUNAM SECUNDAM VOBIS!
Saúdos.
A organización do concurso.
Aproveitamos esta entrada para comunicarvos que o xoves 29 e coincidindo co Preguntón, celebraremos na Biblioteca de 11:30 a 11:55 unha festa grecolatina á que estades tod@s invitad@s. Haberá música, imaxes de Grecia e Roma, algo de comer e ...sorpresas!!!
Non faltedes!
domingo, 25 de enero de 2015
Grecia está de actualidade. Déixovos un par de enlaces para que poidades coñecer a situación actual do país onde naceu a Democracia así como ver imaxes de Grecia, oír falar en grego moderno e escoitar a unha morea de gregos expresándose nun perfecto castelán:
Programa El Obletivo. Domingo 18 de xaneiro. La Sexta TV
Hoy por Hoy. Cadena SER Venres 23 de xaneiro.
Programa El Obletivo. Domingo 18 de xaneiro. La Sexta TV
Hoy por Hoy. Cadena SER Venres 23 de xaneiro.
martes, 20 de enero de 2015
Como facer unha túnica
Aquí tedes un titorial para facer unha túnica sen ter que dar nin unha puntada!
viernes, 16 de enero de 2015
Lírica grega arcaica
Aquí tedes unha excelente presentación da lírica grega arcaica realizada por Alfredo Conde:
Suscribirse a:
Entradas (Atom)